 |
| இறை ஊழியர் தேவசகாயம் பிள்ளை |
நட்டாலம் இறை ஊழியர் தேவசகாயம் பிள்ளை திருத்தல திருவிழா ஜனவரி 14-ல் தொடங்கி தொடர்ந்து 4 நாள்கள் நடைபெறுகின்றன.
விழாவின் முதல்நாள் சனிக்கிழமை காலை 9.30 மணிக்கு, அருள்பணி காட்வின் செல்வ ஜஸ்டஸ் தலைமையில் சிறப்புத் திருப்பலி நடைபெறும். தொடர்ந்து 10.30 மணிக்கு அருள்சுடரோட்டம் நடைபெறும். சுடரோட்டம், திருத்தல வளாகத்திலிருந்து தொடங்கி பள்ளியாடி, கல்லுவிளை, முளகுமூடு, மணலி, தக்கலை,வில்லுக்குறி, நாகர்கோவில் வழியாக சுமார் 4 மணிக்கு ஆரல்வாய்மொழி புனித வியாகுல அன்னை ஆலயம் சென்றடையும். 2-ம் நாள் ஞாயிற்றுக்கிழமை மாலை 5.30 மணிக்கு செபமாலை, புகழ்மாலையைத் தொடர்ந்து அருள்பணி ஃபெலிக்ஸ் தலைமையில் திருப்பலி நடைபெறும். தொடர்ந்து பொதுக்கூட்டம், கலைநிகழ்ச்சிகள் நடைபெறும்.
3-ம் நாள் திங்கள்கிழமை மாலை 5.30 மணிக்கு குழந்தைகளுக்கு திருமுழுக்கு, இறை ஊழியர் வழிபட்ட இடத்தில் நடைபெறும். 6 மணிக்கு செபமாலை, புகழ்மாலையைத் தொடர்ந்து அருள்பணி எட்மண்ட் தலைமையில் திருப்பலியும், 8.30 மணிக்கு பொதுக்கூட்டமும் நடைபெறும்.
கடைசிநாள் செவ்வாய்க்கிழமை மாலை 5.30 மணிக்கு செபமாலை, புகழ்மாலை நடைபெறும். 6 மணிக்கு கோட்டார் மறைமாவட்ட முதன்மைப் பணியாளர் அருள்பணி மரியதாசன் தலைமையில் திருப்பலி நடைபெறும். இதில் மண்டல அருள்பணியாளர்கள் பலர் பங்கேற்கின்றனர். மாலை 7.30 மணிக்கு அன்பின் விருந்து நடைபெறும்.
ஏற்பாடுகளை முள்ளங்கனாவிளை அருள்பணியாளர் பென்னி உள்ளிட்டோர் செய்து வருகின்றனர்.
Thank you Jenil for your updates. May God bless you! ... Fr. Russel Raj, OCD
ReplyDelete